2010 ကိုစွန့်ပြစ် 2011 ကို ချစ်ကြပါစို့….
2010 ကိုကျော်လွန်လို့ 2011 မှာပျော်ရွင်စို့၊ ပျော်ရွင်ပါစေ..
2010 ကိုလွန်မြောက် 2011 သို့ရောက်ပြန်သော်….
2011 နှစ်ဦးမှာတစ်ယောက်နဲ့ တစ်ယောက် တွေ့ကြတဲ့အခါ ပျော်ရွင်တဲ့အပြုံးကိုသယ်ဆောင် Happy New Year ဆိုတဲ့စကားလုံးလေးကို လက်ဆောင်အဖြစ်ပေးကြတယ်၊ အပေးခံရသူကလည်း သူအပြုံးကိုလက်ခံ ကျေနပ်ဟန်နဲ့ Happy New Year စကားလုံးလေးကို ပြန်လည်ပြောဆိုကာလက်ဆောင်ပေးကြပါတယ်၊
မြန်မာရိုးရာမဟုတ်ပေမဲ့ သူဓလေ့ သူထုံးတမ်း သူအစဉ်အလာလေးကတော့ ချစ်စရာလေးပါ..
2009 နှစ်ကုန်လို့2010 နှစ်ဦးမှာလည်းပဲ ဒီလိုပဲ Happy New Year လုပ်ခဲ့ကြတာပါဘဲ…
ဟိုး………….2008နှစ်ဟောင်းလို့ 2009 ပြောင်းတုန်းကလည်း ထိုနည်းတူစွာ..တူစွာ တူစွာ သောနှစ်တွေအများကြိးလွန်မြောက်ခဲ့ကြပါပြိ.
ဒါပေမဲ့လည်းတကယ်ပဲ Happy New Year ဖြစ်ခဲ့ကြရဲ့ လား..
နှစ်သစ်ဖြစ်တဲ့2011 မှာရောမျှော်လင့်ကြတယ်..တကယ်ပဲ Happy New Year တကယ်ဖြစ်ပါ့မလား…..
ကိုယ်တိုင်ခံစားတွေ့ကြုံ ဖြစ်ပျက် တွေ့ကြုံခဲ့ရတဲ့ အနေအထားတွေရော လူတိုင်တွေ့ကြုံ ရင်ဆိုင်နေရတဲ့အဖြစ်အပျက် အပြောအဆိုတွေအရရော…အားလုံးကိုခြုံကြည့်ရရင် အပျော်တွေက ခပ်ပါးပါး အမောတွေကခပ်များများနဲ့ အဆုံးသက်ခဲ့ကြတာများမယ်လို့ထင်ပါတယ်နော်…
ဒါကိုပဲ လူ့လောကဆိုတာဒါပဲကွဆိုပြီး ကောင်းတာ ၄ ပါး မကောင်းတာ ၄ ပါး ရောနေတဲ့ လောကဓံရှစ်ပါးကို ( လာဘ်လာဘ ရခြင်း၊ မရခြင်း၊ ဆိုကာ စသည်ဖြင့်) တရားသဘောနှောကာ သရုပ်ချမျှောမပြလိုပါ..
တကမ္ဘာလုံးနဲ့ဖြစ်ပျက်နေတဲ့ အနေအထားကိုလည်း စာရေးသူ လိုက်မမှီလို့ စကားလုံးကြီးကြီးသုံပြီး တော့လည်းမပြောလိုပါ၊
ဒါပေမဲ့လည်း…ကိုယ်နဲ့နီးသမျှလေ့လာကြည့်တဲ့အခါကြ အလုပ်ရှင်နဲ့ သာမန်အလုပ်သမားများ အကြားဆက်ဆံတဲ့နေရာ၊ အထက်အရာရှိနဲ့သာမန်ဝန်ထမ်းအကြား၊ အုပ်ချုပ်သူနဲ့ အုပ်ချုပ်ခံလူတန်းစားအကြား..မိသားစုများအကြား၊ သူငယ်ချင်းများအကြား…စသည်အကြား မပြေလည်တဲ့အပိုင်းတွေက အဖြစ်များဆုံးပါ ၊ဘာဖြစ်လို့လည်းဆိုတော့ နေ့တိုင်းဆက်ဆံရတာလည်းဒီလူတွေပဲဖြစ်နေလိုပါပဲ..၊ ဒီလူတွေအချင်းချင်းကြားမှာ ပြေလည်နိုင်တဲ့ကဏ္ဍကို ပိုင်းခြားထာတာက“ ငါ “ ဆိုတဲ့ အကောင်ပါ၊ လောကလူလောကထဲကို တချက်လေး အကဲခတ်လိုက်တော့..၊ အတ္တကြီးပြိးတကိုယ်ကောင်းဆန်လွန်းသူတွေဟာ ငါ ကိုရှေ့တန်းတင်ပြီး လူလောကကြီးနဲ့အမြဲတန်း ရန်ဖြစ်နေကြရတာများပါတယ်၊ အဲဒီလိုရန်ဖြစ်တိုင်းလည်း တဖတ်သားလူလောကကြိးကိုအပြစ်တင်ကြပြန်ပါရော၊ ရန်ဖြစ်နေချိန်မှာရော၊ဖြစ်ပြိးလို့ သူများကိုအပြစ်ဖို့ လက်တို့ပြီးပြောနေချိန်မှာရော တကယ်တန်တော့ စိတ်ဆင်းရဲနေတဲ့သူတွေဟာငါ ကိုဗဟိုပြု ကိုယ်ကျိုးသာရှု့နေသူတွေပါ…
အဲလိုလူတွေအတွက်… Happy New Year အစစ်…မဖြစ်ပါလိုပဲဆိုချင်ပါတယ်…
တကယ်တန်းHappy New Year ဖြစ်ဘို့က ကိုယ့်ရင်ထဲက စိတ်ဆန္ဒသာ အဓိကကျပါတယ်.. အရာရာအားလုံးကိုအကောင်းမြင်တက်ဘို့မတက်နိုင်သေးရင်တောင်၊ အဆိုးမြင်တက်တဲ့သဘာဝကို သတိထား ကျိုးစားပြီးရှောင်၊ ကိစ္စကြိးငယ်ထိပ်တိုက်ရင်ဆိုင်လို့ တဖတ်သားနဲ့ သဘောထားလွဲတဲ့အခါတိုင်း ငါသာ သူ့နေရာမှာသာဆိုရင်ဆိုတဲ့အတွေးလေးနဲ့ ကိုယ်ချင်းစာတရား လက်ကိုင်ထား လိုက်မယ်ဆိုရင်….
HappyNew Year အစစ်နဲ့ ပျော်စရာတွေဖြစ်နေမှာပါလို့တွေးရင်….ရေးရင်း…
ဒီလိုနဲ့…ငါကိုယ်တိုင်လည်းHappy New Year အစစ်ဖြစ်မဖြစ် ဆိုတဲ့အတွေး ရင်ထဲမှာဖြေးဖြေးလေးကြည့် ပြုံးစိစိနဲ့…..ကျေနပ်သယောင်ယောင်…မျက်မှောင်ကြုံ့ပြီး…အလိုမကျသယောင်ယောင်….
0 comments:
Post a Comment